hea遊韓國4天行程

文章作者:nashiri

事前準備

買左兩本書，右邊果本......唔洗買啦....無物用- -



重有一本比我用到殘一殘ge地圖~~~後影架

如報某韓國旅行社佢會有本韓國觀光局印ge書比你,入面有齊所有coupon,朋友響我印好曬野先比本書我..真係多謝曬喎



hea遊之day1~~~!

搭韓亞凌晨機~準時出發!!!韓國我來啦!!!


飛機餐~~一般啦，無咩特別，但個甜品值得食!!good



落機囉埋行李就去搵6001 bus啦，如果各位要搭佢就請留意啦，6001出左新ge行車時間(相為新時間表)
結果食左半個鐘風，吹到鼻涕都出埋
重有，巴士站旁邊有售票處，機場巴可以買飛，但就唔可以用1000won ge coupon，到最後我都係比現金用coupon～有得平!!

搭6:38am bus有日出睇!!!好正啊


好令啊~~~架車向東方開，向住個日出去架～～



睇完日出之後我就訓死左，落車先起身！！！
響乙支路co-op落車我地就轉的士去酒店
因為book唔到乙支路co-op為有轉去住回基 ge Hoegi Coop Residence啦
平平地~都ok 架!!響回基站附近~都幾方便架!!

去到酒店放低行李就去左便利店買T-money啦~3000won一張~入左1萬won入去,最後唔夠用
T-money個包裝入面都有d coupon架~大家記得睇下有無用先丟啊


第一站~~~土俗村食人參雞!



後面果碟係烤雞，紅色果醬幾好味，隻烤雞就...有d難食甘囉.... (同朋友食左共3分1)
人參雞湯14,000won ,烤雞就唔記得啦,大約都係$14,000won...所以唔抵食....



我愛糯米啊!!!!~~


去景福宮途經不老門~雖然無好似本板師兄喪行~不過就攪攪震喪合照!!!哈哈


飛仔多謝你3000won~~~





去到果時有班內地團，等左好耐先影到無人ge場景......



其實......我都係來攪攪震!!!  


景福宮有得著韓服用自己相機影相~不過12至1點服務姐姐會有個休息時間~大家就住時間去啦~佢地肯比我地2個著埋先暫停~勁好人~


玩完一輪就等睇換班儀式啦~








睇完就向下一站北村進發!!!




北村真係搵到我地死下死下!!!明知佢響附近!!!又搵唔到路入去!!問左好多韓國人都唔知響邊....
好彩最後有個女仔知，重帶左我地去其中一個入口!!真好人
響離開北村ge時候發現左d野攪到我想打人!!!一陣講你知!!!


北村我搵到你啦!!!





係一間餐廳來架～好令啊!!!



行到甘上下~又係時候醫肚啦!!!!打算去食pizza~~
我唔記得左搵地址，得鋪頭名，入左去北村果間令令ge詢問中心問!!
比個名詢問處個姐姐，佢即刻上網幫我搵左地址～重比左地圖教我去 　正啊！！！
只要經過左詢問處沿車路直行.....行到十字路口轉左繼續行~


當見到呢間屋就好停啦!!!
轉入左手邊條路就會見到pizza店啦~~





個pizza爐~入面有pizza架!!~


等食!!~~~~



e個pizza係全店至貴架~約22,000won~:lol




食飽就沿路入番北村~~經過詢問處一直行~一路行一路影相~~
行行下.....見到前面"度"牆好熟口面.....
個心入面小左一句.........我見到景福宮ge外牆
行左好多冤枉路啊!!!大佬....
如果要去北村ge朋友.....教你一個簡單ge方法......
景福宮出來之後向左邊行....過左條馬路佢.....然後向上行....總之見到景福宮啦!!!
行到一個可以行車行人入去ge路口，唔洗諗，入去!!!行唔洗5分鐘你已經可以見到北村詢問處!!!
唔好好似我甘以為向上行先有入口:smile_19:...入左北村你打橫行都得
我上網搵左張實景圖(粗糙版)....要的可以pm我send比你~

出左北村我地去仁侍洞啦~
人人商場~~















行完都6點啦，加上有病在身，決定取消個清溪川番酒店
放低曬d野就落街搵野食啦

都幾事旦甘入左間餐廳.....又幾求其甘叫左d野食.....



佢個名叫唔知咩豬肉咩鍋之類啦，唔係難食架，不過就好鬼辣！！！姐姐話小小辣喎.....
越滾越辣，我同朋友都唔好辣，食到傻下傻下
比個近鏡！！！無記錯係24,000won,有分大中細,呢個已經係細size:smile_19:



番去之前去賢重兄代言ge The face shop買左片面膜用.....真係唔好講笑....一d都唔貼面，面膜ge紙質可以用硬來形容!!1000won架!!
賢重代言都係甘話，唔會掃佢ge野番香港!!
day 1就甘完左啦!!

本身打好架啦......點知咩都無曬.....
我在慢慢來過啦~~~
個post我會慢慢加長的.....因為唔想將d野寫去第二板啊
有師兄想知價錢ge野，我盡記啦～有d唔記得左啦

day2


美好的一天~由香蕉奶開始~~
香蕉奶1,000won一支~懵懵下比左1,200won老闆重比佢笑我
其實飲緊香蕉奶時都12點幾啦已經，玩完第一日個身體差左(景福宮超大風 )只好取消南怡島ge行程囉d時間來訓



趙權啊~~~~~(誰來還我亞當夫婦 )


去到明洞站見到佢地



近鏡


唔理甘多~食lunch先~
明洞站5,6號出口~好近的





餐牌有中文~點餐零難度~~~







呢個就係全州石頭窩飯啦，份量唔算多，辣辣地~我唔食辣架其實，但佢呢個辣我重可以接受!!重好好味  (係day1果個鍋辣得最可怕)
如果一d辣都唔食得ge朋友，你地可以試下個豬肉石頭窩飯，同行朋友食e個，唔辣架～大家一樣都係9,000won


撈好左個樣～～諗起都想食



唔清曬對唔住自己


明洞街頭~~
如果過去果邊會買galaxy s機殼ge朋友留意啦，果邊普遍價格係10,000won左右
明洞,梨大都係，最平係東大門地鐵站入面ｄ鋪頭仔～最平8,000won~不過顏色比較小d
留意相片nature republic字下面有一檔賣機殼的，15,000won一個...小心小心



1,000won一塊~好薄架所以好易會裂~試下都ok~如果唔鍾意蕉糖未ge朋友就唔洗買啦



勁多間分店囉...有人話明洞有4,5間...  
入貨我去左有大張海報響頭頂果間



果個胸雞真係大得有點而過分....比女生還要....

行到甘上下~又係時候搵地方坐下




好鬼令啊~
全店有2層~~坐上面舒服d~~可以望住街~好嘆啊~


綠茶雪糕~~7,500won~~好清新ge味道~



綠茶tiramisu~~~呢個set7,500won~~



好軟啊~~~ 想食就快d去啦~~~記得印埋coupon(10% off)去啊~單同coupon一齊比收銀就ok~



出來行兩步又見到啦~~~



好令仔啊~~~



u-know影左一張渣.....
因為要趕住走......
#2加埋新野之後太大.......只好開新的用.....
可能之後果部分大家要辛苦d飛來睇啦....
可能係我廢話多啦.....

做咩甘趕...?未就係買得太多野要番酒店一轉囉  
跟住又要出番明洞~~去南山塔.....明洞3號出口~向pacific hotel條小路行入去就係啦
相入面屋同屋之間的斜路上去就係啦~~~~
詳細可睇正文社




唔識韓文波~我估係南山甘解掛....



好令啊~~有影相令位啊~~~~











唔知大家有無睇"英雄豪傑"呢個節目呢!!!
原來入面介紹過好出名果間炸豬排店就響呢條斜路度架!!!(果間用人手打到豬排超薄果間啊    )
好想食啊....不過一陣要食第二d野.....!!!下次一定要番來食!!


沿住斜路直上就會見到纜車站啦~~





上樓梯去一樓買飛先~一張纜車飛7,500won~之後再上樓梯等車~~~



送大家夜景一張~ (其實.....都係香港夜景正d....)



南山塔啊~~~






好多鎖啊~~


見到好多都寫中文架波 ,唔知我幾時可以扣番個上去呢~~



我有去搵維尼夫婦個鎖架....不過搵唔到....





唔只牆有~重有鎖樹啊



teddy bear博物館.....同上塔頂一樣8,000won一張入場券~當然唔入啦....
其實塔前面空地同teddy bear shop都有隻大熊可以影相~shop入面果隻重可以坐低同佢影架~相就唔放啦,因為全部都係合照來





回程路上驚見東方紅.....................中華料理
重整我以為東方紅勁到過來賣藥~哈哈
走之前響地鐵站口買左盒士多啤梨,大大粒8,000won~番酒店打開下面士多啤梨係爛的


晚餐我地去左師兄姐去ge燒烤店~門口唔記得左影~~
惠化站4號出口~我有地圖啊...想要的可以pm我....


比張單你睇睇啦~~餐牌有圖有英文~店員都識英文架


個湯辣到飲唔到... 其他配菜幾好味!!



必食牛肉~~~食左兩碟!!!




等食~~  





呢個汁好正!!!將肉同洋蔥一齊食係最好配搭





呢餐我真係唔記得左幾多錢啦.....牛肉同豬肉都係9,000won一碟
2碟牛,一碟豬~加左2個飯~飽到嘔啊!!!!
除左我地飲可樂之外 ,台台都係飲酒~韓國人真係好鍾意飲酒啊
後面果台個女仔扯住男仔件衫係甘搖.....問個男仔佢令唔令女.....個男仔用d好無奈ge語氣答佢令....之後女仔一野拍落佢個頭度
睇完之後我覺得自己都幾溫柔架....起碼無開人拖先啦  



食飽就四維行下~~
有間鋪頭d野幾令幾得意架~~我響入面買左襪同頭巾~
大家可以入去行下~咩名就唔知啦~個logo有隻cat架~好似響etude house對面~



番到回基買左雞串食~~~佢有唔同ge調味醬比你選~重有芝士比你加!!1,000won一串





阿珠媽話bbq醬係少少辣來喎......頂.....辣到我頂唔順....食左半串就放棄.....


沖完涼就係時候搵mask用啦~今晚用ge係innisfree ge honey mask~貼面,又唔"粒"!! 950won一塊~價錢同質數比day 1 的好!!good
day2就響我慢進度下完成左啦~

day 3之鷺粱津魚市場篇~~~
我又慢慢來啦.....睇住少少先~聽日再up....!
多謝之前kazafchiho師兄介紹相簿我先唔洗煩渣



試埋個士多啤梨味~~一樣都係1,000won~不過我就覺得香蕉味好飲d~


午餐目的地~~~鷺粱津魚市場
響回基坐地鐵1號線去唔洗轉站就到


出左車站上天橋


行到盡頭時左轉~~


甘就到左啦~~~好易搵架渣~~~


海菠蘿啊~~~


d海腸好肉酸啊.....究竟韓國人用咩方法烹調佢呢......



有價錢~大家慢慢比較啦~


買完野就上魚市場二樓搵餐廳坐底~~
重有每餐都會出現ge"門神"可樂兩隻


先來頭盤......八爪魚sashimi......唔好問好唔好食.....因為我唔食生野架.....
對我來講佢係非常之嘔心架(得罪得罪 )....上台之後係甘"典來典去"，重有條"典"左去台面....不過朋友就食得好滋味~清鬼曬
10,000won~~



大蝦四隻......一般啦....我地唔知點為之令.....價錢唔記得.......
不過鮑魚就堅正~清蒸渣~最有驚喜係佢!!!反正我唔食生野~好彩無sashimi佢 ~10,000won 2隻~


隻蟹就23,000won~~


粉絲就食得多....甘款ge蟹絲真係無物幾何

其實鷺粱津去一次就夠.....下次遊未必會再去......因為d野就唔係話新鮮得甘緊要.....
總數唔記得啦,大約一人2百到啦~

day3之梨大、新村篇.....
響鷺粱津hea完一輪之後我地就去左梨大啦!!!




2號出口就可以去到梨大啦~~~~



入梨大之前買左炒年糕食~~好辣啊....去左7仔買可樂重比阿珠媽笑我地!!!



2號出口出來直行到尾最係梨花女子大學~~~





響入面四維行~~真係幾令架 ~如果入面讀書一定好正


剛好有傳統節目表演~~~當然睇埋先啦~~~


佢地個頭好似蘑菇仔啊!!哈哈


眼睛觀光完就要到購物區派一派錢啦

去左skin food同nature republic兩間買野
梨大skin food有個廣州女仔過左去半工讀~~講廣東話真係倍感親切~姐姐好用心介紹產品效用~
nature republic又係~有問必答~~~
比較明洞同梨大ge鋪頭~明洞都唔係話差ge~只不過梨大係細心d講解....
最差服務ge係明洞一家the saem.....響門口比人拉左入去....入到去無人理你.......sales無故大笑....朋友為得李勝基海報還是購物了


入nature republic出血完見到架~~好令啊


好啦~見到日落就係時候搵飯食
而家教大家行去新村食炭燒海鮮~~~....唔洗搭地鐵架....

認住呢隻鞋~經過missha沿街尾行落去~~



行到街尾就見到京義線ge新村站啦已經....好鬼近~重有韓國mega box!~~
如果姐妹要買野的話~請轉身~有olive young.....入面見到有少量的DERMAL(綠色包裝)......如果其他地方搵唔到可以入去睇睇....
過馬路沿住mega box向圖片教堂方向一直行~一直行~~~~


搵到u-plex~~~呢個十字路口.....直行過馬路~即u-plex對面街~(圖片右手邊)
(如果大家唔經梨大去的話,可以搭地鐵2號線新村站落車~u-plex有出口同地鐵相連的~相中人郡後面那就是出口了)
行一小段路~就會見到7仔....轉入去~~~第一個街口入去就會搵到烤海鮮店!!!!(小心7仔招牌~佢唔算顯眼架)
全程都係15分鐘左右~
我地入到去ge時候已經係第四台香港人啦...好攪笑~台台都有本正文社
其中有一位香港人重用即影即有幫我同朋友影相~我連你個名都唔知~~多謝你啊~


好辣ge年糕~~~!!!老闆話好多香港人都食唔到~可以用換蔬菜比我地~~但我心思思想試~最後食左少少就放棄佢...真係好辣


呢個係細ge海鮮餐~點餐時其中一台香港人走來叫我地千奇唔好叫中size....d野多到佢地想喊!!食左2個鐘重食緊
老闆話生蠔可以生食....朋友即刻擺入口....睇佢個樣隻生蠔應該幾正ge!!



去完韓國番來我已經深深愛上大醬湯~~好好飲~~~好鍾意佢ge味道!!
個餐重有個蜆湯...個人覺得唔係幾好飲......


朋友無飯不歡~!!!紅米我好架


拉出個味來~~~~


一半野食到啦.....細size已經夠食....我地食唔曬....可能加左飯啦~幾錢係唔記得架....因為唔係我找數


見餐餐飯都有韓國人飲~整支來試下先
唔......d味好似消毒火酒.... 算啦....我都係飲番可樂啦....岩我d
突然想睇亂打表演~~就坐地鐵去明洞睇下重有無~
去到明洞都10點啦....過到去睇唔到....甘........改為行街啦就.....
10點街上鋪頭已經開始收鋪....有d已經關左....

又幾鬼令波....唔影點得先.....


真係對唔住啦....之前話好多u-know相.....頭先一睇....全部都係合照....up上來我命仔都無..只好cut一cut佢放一相..rainy將就下....  


送上全影圖一張....唔知大家有無響圖入面搵到d咩呢....當然唔係講大大個ge u-know啦:$


果日搭地鐵去到東廟時.....架車突然熄燈出廣播~我地聽唔明只好跟當地人走出車箱~
跟住車就走左.....我地企左響月台呆左....尾班車唔會甘趕人落車掛
唔知點算ge時候，有個大叔用普通話問我地係米遊客，佢話無咩事，一陣有第二班列車來~真熱心~~
番到回基都唔少得買宵夜食架啦~~


漢堡包與巨型泡芙....個泡芙好難食....
漢堡包2,000won~泡芙1,500won~


呢個漢堡包絕對有驚喜~~好好味!!!入面有2種醬，一種沙律醬，另一隻食唔出～有菜有酸青瓜 ～m記行開啦!!!!
同朋友一人一半....最後下場係朋友落街買多兩個上來
因為酒店下面ge街邊檔佢地有d上午係唔開架....同埋星期日都唔見佢地開....難得機會~唔食對唔住自己  

day4之追星day~~~~

唔經唔覺hea到第四日啦.......有師兄話我唔hea喎.....
因為d行程係被刪減左~(都未試過去旅行10點幾先起身) 取而代之就係四圍行囉....點知四日都唔夠行....

因為趕時間ge關係~今日無買到奶飲....重有隻藍色包裝原味架....唔知好唔好飲呢!!
今日目的地為狎鷗亭~響回基過去可以坐中央線往清涼里方向~
但是....我地2個女仔企左響回基站諗左一輪.....點解d站名有d唔對路ge呢.....
決定問人穩陣....變相比人點錯路..差d反方向去左....
跟住神蹟出現啦~~~問中左個中國來的留學生~~~
我地同佢講要去狎鷗亭搵米奇哥食雪糕~~~
姐姐話跟佢上同一架車就去到啦喎~原來佢係仙后來架....重教我地點轉車~~~
因為鍾意神起所以學韓文~而家響韓國做緊交換生!!!重話13/3果日去左jyj個fan meeting....不過無飛只可以響會場外面等
話說回來....點解我地搵條地鐵線要攪甘耐呢....
果日去鷺粱津已經發現d名有d唔對路....即係話...同一個站....唔同線ge話佢會有第二個名....所以要留要一下
未必係去錯地方....只不過佢有唔同ge名.....唔明就囉地鐵圖問人啦....果四日男女老幼我都問齊~大家有問必答!!!超級好人



只需響玉水站轉3號線坐一個站就到啦~





5號出口出來就會見到佢~~~
向前行一陣~響街口轉入去就會到米奇哥ge雪糕店
去到ge時候先11點都未到.....店內大叔重執緊野~甘四維行下再番來啦~~



每去一個地方旅行.....KFC已經成為我必入ge地方....(韓國諗住唔去架啦.....鬼知佢有一間響左近咩....  )


長條形ge唔係粟米.....係一塊nnan甘ge野包住d餡ge包來.....記得香港KFC都出過甘上下ge野....
個餐唔好食.....薯條香港m記也比較好...... ......而且價錢也不便宜5,300won....朋友叫杯可樂也1,600won~
hea完KFC我地就去食雪糕!!!

TIME OUT門面~~


果日去鋪頭無有煥無米媽.....只有一位大叔跟店員.....
買雪糕時大叔送了兩張有天的貼紙~(其實只要買雪糕的都有 )



店內擺設~~~牆身還有大張海報~~~


雪糕真身~~~mango + 朱古力~~~有d甜~不過都ok~幾多錢就唔記得啦.....唔係我找架筆數
食曬杯雪糕無物野做我地就興之所致殺過去SM Entertainment(打全名....唔係我驚人誤會)
無做資料搜集當然唔知佢響邊啦....於是我地搵到個甘岩行過ge年輕令姐姐來問路
姐姐指左條路比我地去....行過去大約4個字都啦.....


Victoria  


韓國LB....又幾令喎~



行左幾個字....終於都搵到啦......SM Entertainment....個樣就真係.... 一年搵甘多.....執執佢啦.....



唔係允浩響呢個位泊過車我都幾難信我搵到sm.....


警衛屋仔門口貼ge海報.....
去到ge時候無飯等....只係有2個日飯行過過來.....好快就走左lu~
見無物野睇我地都唔留甘耐啦~


門口海報~~~


神起出新碟~鋪頭都擺左唔少神起野....


唔放出來點對得住rainy先
影得甘令仔....點解餅仔條褲吊腳架
無咩特別野睇~聽完隻"why"就走啦


街邊買的煨蕃薯~~1,000won 買的時候還遇到一對香港人

番酒店執埋包袱就退房啦.....見重有時間就食多一餐先
響酒店附近搵左間野入去

老闆好好人甘幫我地泊好2個喼~我地就搵位坐低啦
原來無menu架....四維貼ge都係韓文字....睇得明ge只有價錢
老闆唔知點同我地溝通!!我又將本韓文書放左入喼....心諗唔通要開喼....
好彩....原來其中一個店員係中國人.....最後叫左一碟五花肉同牛肉，兩碟都係10,000won



好新鮮ge菜啊~~


燒緊果碟就係五花肉啦，燒到甘上下店員就會走過來幫我地整



等到好心急呀～～～而家望到都想食
其實我係第一次食五花肉，真係好鬼好食!!!!!!
雖然個牛肉都幾好!!但我已經比碟五花肉征服!!!如果唔係飽到嘔真係勁想叫多一碟
如果要我排名次,第一係全州石頭窩飯、第二就係呢間~
老闆雖然唔識同我地溝通~但係甘留意住我地....
佢會走過來同我地指手劃腳~!!教我地燒野~係甘指住野食叫我地食~
知我地係香港人重舉高手指讚香港女仔好令!!d野除左好食重好有人情味

經過左甘多日，我終於記得影個門口啦～重有埋營業時間～～
如果各位師兄姐想去我可以教路～佢都幾近回基站架
我個hea遊四日已經hea完啦.....
出埋答應左ge JYJ年曆就完架啦~~

KAOMIMA110